सुर्खेत। गुर्भाकोटमा मालवाहक ट्रक दुर्घटनामा परेको छ। शनिबार बिहान ना ४ ख ९७६१ नम्बरको मालबाहक ट्रक गुर्भाकोट नगरपालिकाको वडा नं. ९ को भालुखोला चौपारी डाँडामा दुर्घटनामा परेको हो।
- Advertisement -
दुर्घटनाग्रस्त ट्रक सडकभन्दा ५० मिटर तल खसेको प्रहरीले जनाएको छ। उक्त ट्रक मुनि २ जना मानिस च्यापिएको प्रहरीले जनाएको छ। उनीहरु गाडीका चालक–सहचालक हुन् वा अरु कोही हुन् भन्ने खुलेको छैन।
दुर्घटनास्थलमा क्रेन पठाउन थालिएको र क्रेनले ट्रक तानेपछि मात्रै च्यापिएका मानिसको बारेमा भन्न सकिने जिल्ला प्रहरी कार्यालय सुर्खेतका प्रवक्ता प्रहरी नायव उपरीक्षक सुरज कार्कीले बताउनु भयो।
दाङबाट सिमेन्ट र र सरिया लोड गरी उक्त ट्रक जाजरकोटका लागि छुटेको हो।
Facebook Comments
- Advertisement -
